ELectronic Awarenss

امتى هنستخدم الشاشات وامتى مش هنستخدمها؟

-

في الأول هنحدد مهلة معينه لأستخدام الشاشات ،ونعرف حد واثقين فيه عشان يتابع معانا ولما نخلص الواجب او الشغل المطلوب مننا ،ممكن نكافئ نفسنا بشوية وقت على الموبيل أو التابلت بتاعنا

-

أهلنا و أصحابنا بيبقوا حابين يقضوا معانا وقت لطيف لما بيزورنا ، وعشان كده مش هنستخدم الأجهزة واحنا معاهم

هنعمل إيه في فترات الراحه من استخدام الشاشة ؟

-

بعد ما نستخدم الشاشات ، مهم إننا نغمض عيوننا شوية عشان نريحها

-

هنقوم من مكاننا ، وهنغير وضع الجلوس بتاعنا ومستحب اننا نعمل تمارين لشد عضلاتنا شويه ووممكن بعدها نتحرك لمكان تاني زي بلكونة البيت عشان نشم هوا نضيف و نحس بطاقة إيجابية و لما نرجع نستخدم الشاشة مرة تانية ، مش هنقرب الشاشه من عيننا ، و هنتأكد إن قعدتنا مريحه عشان ضهرنا ميوجعناش

إيه هي الأنشطه اللي ممكن نعملها بدل استخدام الشاشة ؟

-

نقدر نعمل أنشطة مع عيلتنا و صحابنا ، زي الألعاب و الخروج و الفسح

-

ممكن كمان نمارس هوايتنا زي العزف و الرسم ، أو نشترك في نادي و نلعب رياضه بنحبها

إزاي منخليش الشاشات تأثر على نومنا بليل ؟

-

هنقفل كل الأجهزه بتاعتنا قبل ما ننام بساعه على الأقل

-

هنخلي كل الأجهزه في أوضه تانية غير أوضة النوم

إزاي نقلل من تأثير الشاشات علينا باستخدام إعدادات أجهزتنا ؟

-

هنستخدم "وضع عدم الإزعاج" عشان نركز في حاجات تانية

-

هنظبط "إعدادات الألوان" في أجهزتنا عشان نريح عيوننا أكتر

إزاي نفصل من إستخدام الشاشات ؟

-

هنتحدى نفسنا إننا نقضي يوم كامل كل أسبوع من غير ما نستخدم الشاشات و خلال اليوم ده، هنمارس أنشطه مختلفه بعيد عن الشاشات عشان منحسش بالملل